Democracia aquí, democracia agora

 

A Fundación Europea da Mocidade (EYF) brinda apoio financeiro a organizacións xuvenís para organizar actividades locais, nacionais ou internacionais no contexto da campaña 2022 da Mocidade para revitalizar a democracia.
A campaña “Democracia aquí. Democracia agora” estenderase de marzo a outubro de 2022 co obxectivo de fortalecer o papel da mocidade no proceso de democracia e restaurar a confianza mutua entre eles e as institucións democráticas.

A campaña centrarase en tres temas clave:
- Revitalización da democracia.
- Participación significativa da mocidade.
- Dixitalización.

Entre marzo e outubro de 2022, convídase os socios xuvenís gobernamentais e non gobernamentais a organizar actividades e eventos nacionais e locais de acordo cun calendario mensual temático.

As organizacións xuvenís que desexen organizar actividades poden presentar solicitudes de subvención para:
- Actividades piloto a ser implementadas por organizacións xuvenís locais e nacionais.
- Actividades internacionais a ser implementadas por mozos nacionais ou internacionais.
- As actividades deben ter lugar nun estado membro do Consello de Europa ou en liña ou nun formato híbrido.

Para presentar a solicitude, as organizacións deben mencionar na parte superior da solicitude "Campaña da Mocidade 2022".

Destiantarias: Organizacións xuvenís non gobernamentais internacionais, Rede internacional de ONG xuvenís, Rede rexional de ONG xuvenís, ONG xuvenís nacionais e ONG xuvenís locais dun estado membro do Consello de Europa con membros de entre 15 e 30 anos.

Prazo: ata o 16 de maio de 2022.

Máis información